ស្រៀវសាច់ណាស់!! ពស់វែកលាក់ខ្លួនធ្វើសម្បុកក្រោមបង្គន់រហូតកើតកូនចៅពេញសម្បុកវាយបំបែកបង្គន់ចាប់វាបើកវែកព្រួសពិសដាក់ចង់តដៃ…

បរទេស៖​ មជ្ឈមណ្ឌលវិទ្យុ ១៩១ ប៉ូលីសខេត្ត Bueng Kab ជូនដំណឹងដោយ លោក Khwan Manatsakorn អាយុ ៤៥ ឆ្នាំ ជានិយោជិកនៃមជ្ឈមណ្ឌលកសិកម្ម

និងសហករណ៍កសិកម្ម សាខា Bueng Kab ស្រុក Mueng Bueng Kab ខេត្ត Bueng Kab ថាមានពស់វែកលាក់ខ្លួននៅក្នុងបន្ទប់ទឹកក្រោមបង្គន់ និងស្នើសុំជូនដំណឹងដល់ក្រុមអ្នកជួយសង្គ្រោះ ឱ្យជួយចាប់យកទៅដោះលែងនៅកន្លែងធម្មជាតិវិញ ។បន្ទាប់ពីក្រុមជួយសង្គ្រោះបានទទួលដំណឹងនេះភ្លាម ក៏មានមន្ត្រីចំនួន ៦នាក់ ព្រមទាំងមានឧបករណ៍ចាប់សត្វពស់ផងដែរ។ ផ្ទះដែលត្រូវបានគេជូនដំណឹងនោះ គឺជាផ្ទះ ២ជាន់ ជាស៊ីម៉ងត៍ពាក់កណ្តាល និងឈើពាក់កណ្តាល ។ ខណៈនៅជាន់ផ្ទាល់ដីមានបន្ទប់ទឹក សាងសង់នៅក្នុងបន្ទប់គេងរបស់លោកតា Poonkak Muenwai អាយុ ៩៣ ឆ្នាំដោយគាត់បានស្នាក់នៅក្នុងបន្ទប់តែម្នាក់ឯង។

ក្នុងហេតុការណ៍នោះក្រុមជួយសង្គ្រោះបានសុំឲ្យ លោកតាដែលជាម្ចាស់បន្ទប់អង្គុយចាំនៅខាងក្រៅបន្ទប់សិន ហើយពួកគេក៏បានបើកគំរបបង្គន់មើល តែមិនមានពស់វែកទាល់តែសោះ។ប៉ុន្តែនៅពេលដែលពួកគេបានយកពិល ទៅឆ្លុះមើល នៅខាងក្រោមមូលដ្ឋានបង្គន់គឺមានប្រហោងធំមួយ និងឃើញមានពស់វែកនៅខាងក្នុង។ ឃើញដូច្នេះក្រុមសង្គ្រោះបាន ប្រុងនឹងប្រើឧបករណ៍ព្យួរដើម្បីចាប់ពស់ ប៉ុន្តែវាពិបាកក្នុងការចាប់ណាស់

ព្រោះដោយសារតែនៅចំណុចនោះវាចង្អៀតពេក ដូច្នេះពួកគេក៏បានសម្រេចចិត្តហៅ អ្នកបច្ចេកទេសមកកម្ទេចបង្គន់ចេញពីកន្លែង ក៏បានរកឃើញថាមានស៊ុតរបស់ពស់វែកជាង ១០ គ្រាប់ ប៉ុន្តែពស់វែកបានរត់គេចខ្លួនដោយលាក់ខ្លួន

ក្រុមជួយសង្គ្រោះបានប្រើថ្នាំបាញ់មូសបាញ់ទៅលើវា (ពស់) ដើម្បីឱ្យវាត្រឡប់ទៅកន្លែងដើមវិញ ដើម្បីងាយស្រួលក្នុងការប្រើឧបករណ៍ព្យួរចាប់វា។ ប៉ុន្តៃតាមសភាវគតិរបស់សត្វពស់វែក វាមិនបានវិលត្រឡប់ទៅវិញដោយងាយៗទេ វាថែមទាំងបានបញ្ចេញសម្លេង ព្រមទាំងព្រួសពិសដាក់ក្រុមអ្នកជួយសង្គ្រោះទៀតផង ។ បន្ទាប់ពីពស់ត្រូវបានបាញ់ថ្នាំមូសដាក់អស់រយៈពេលយ៉ាងយូរមក វាក៏មិនអាចទ្រាំទ្របាន ដូច្នេះវាក៏បានវិលត្រលប់ទៅទិសដៅដដែលវិញ ហើយក្រុមអ្នកជួយសង្គ្រោះក៏អាចព្យួរកវាឡើងច្រកចូលក្នុងការ៉ុងជីបានសម្រេច។

ពស់វែកនោះមានប្រវែងប្រហែល ១១០ សង្ទីម៉ែត្រ ហើយក្រុមអ្នកជួយសង្គ្រោះ និងនាំយកសត្វពស់នោះយកទៅប្រលែងនៅតាមទីកន្លែងធម្មជាតិវិញ។ ចំពោះប្រតិបត្តិការនេះត្រូវបានចំណាយពេលប្រហែល ៣០ នាទី ។ចំណែកឯខាងស្ត្រីម្នាក់ឈ្មោះថា Yupa Chomchuen អាយុ ៦០ ឆ្នាំ ដែលជាកូនស្រីរបស់លោកតា Poonkak Muenwai គាត់បានជួបពស់ដំបូងគេបង្អស់ នៅពេលដែលគាត់បានដើរចូលបន្ទប់ទឹក ដើម្បីយកសម្លៀកបំពាក់និងកន្សែងរៀបចំសម្រាប់

ឱ្យឪពុករបស់ងូតទឹកនៅពេលព្រឹក ក៏ស្រាប់តែប្រទះឃើញពស់វែក កំពុងវៀរចូលទៅលាក់ខ្លួននៅក្រោមបង្គន់ ក្នុងភាពតក់ស្លុតគាត់ក៏ប្រញាប់ប្រញាល់បិទទ្វារបន្ទប់ទឹក ជាបន្ទាន់ មុនពេលដែលគាត់បានប្រាប់រឿងនេះទៅដល់ប្អូនៗ រួមទាំងជូនដំណឹងដល់ប៉ូលីសឱ្យមកជួយសង្គ្រោះ

រហូតចាប់បានពស់វែកនោះដោយជោគជ័យតែម្តង។ ស្ត្រីរូបនោះបានបន្តថា គាត់ពិតជាសប្បាយ ចិត្តនិងអគុណដល់ក្រុមជួយសង្គ្រោះខ្លាំងណាស់

ដែលពួកគេអាចចាប់សត្វពស់នោះបាន បណ្តាលឱ្យគាត់មានអារម្មណ៍ថាមានសុវត្ថិភាពឡើងមកវិញ ទាំងឪពុកនិងកូន ប្រសិនបើក្រុមជួយសង្គ្រោះមិនអាចចាប់ពស់បានទេ យប់នេះពួកគាត់ច្បាស់ជាមិនអាចដេកលក់ទេ។

Leave a Reply

Your email address will not be published. Required fields are marked *